Legg til rette for dei sunne vala og det gode livet

«Den sunne livsstil» har vorte ein av vår tids store trendar. Det er det grunn til å gle seg over. Det gjev også grunn til å tru at det etter kvart skal vekse fram ei erkjenning av at ein sunn livsstil også er ein rusfri livsstil.

Om få månader skal det veljast nye kommunestyre over heile landet. Den aller viktigaste oppgåva for alle politikarar må vere å gjere vedtak som fremjar det gode liv for heile befolkninga. Det vil blant anna seie:

  • Legge til rette for at dei sunne vala, blir dei enklaste vala.
  • Sørge for lett tilgang til turområde, gang- og sykkelvegar.
  • Ikkje ha sukkertøy og andre usunne varer godt synleg i butikkane.
  • Syte for god tilgang til frukt og grønt.
  • Syte for at det enklaste er å velje alkoholfritt.

I Norge har vi slutta oss til Verdas Helseorganisasjon, WHO, si målsetting om at vi skal redusere det skadelege alkoholkonsumet med 10% innan 2025. Seinast i Folkehelse-meldinga og statsbudsjettet for 2016 blir denne målsettinga stadfesta. WHO sitt sterke fokus på alkohol er ikkje utan grunn. Det er knapt nokon enkeltfaktor som har større innverknad på folkehelsa, og det gode liv, enn nettopp befolkninga sitt forbruk av alkohol. Målsettinga om ein reduksjon på 10% er derfor viktig, og vil ha stor effekt på folkehelsa.

Det er derfor dessto meir beklageleg at vi endå ikkje har klart å snu ein trend med aukande alkoholkonsum i Norge. Målet om ein reduksjon på 10% er ikkje uoppnåeleg, men kan ikkje oppnåast utan målretta tiltak. Praktiseringa av alkohollova er i stor grad eit kommunalt ansvar. Det er kommunen, som innanfor ramma av det Stortinget har bestemt, fastset reglar for skjenketider, og som gjev skjenkeløyve mm.

Dei nye folkevalde skal også vedta ein eigen ruspolitisk handlingsplan for kommunen. Det er derfor kommunestyra som bestemmer kor lett tilgang det skal vere til alkohol i eigen kommune, og tilgangen er sjølve nøkkelfaktoren til alkoholkonsumet i eit samfunn. Dette betyr at det først og fremst er eit kommunalt ansvar å handheve alkohollova på ein slik måte at målsettinga om 10% reduksjon blir oppnådd. Vi håper våre nye folkevalde tek dette ansvaret på alvor, og slik bidreg til betre folkehelse og det gode liv for heile befolkninga.

Godt val og lukke til! 

10.00 21. oktober - 15.00 25. oktober 2019

Hauge videregående skole - Haugevegen 40, 4260 TORVASTAD

18.00-20.00 21. oktober 2019
18.00-20.00 21. oktober 2019
18.00-20.00 22. oktober 2019
18.00-20.00 29. oktober 2019

Nyheter

Hvordan skal du feire verdens alkoholfrie dag den 3. oktober? Hva med å gi litt tid til noen du er glad i? Inviter på middag. Ta en kopp kaffe med noen venner. Ring en du ikke har snakket med på en stund. Gjør noe hyggelig og alkoholfritt. Vær tilstede! 

Nå er det et år siden Rita Nilsen kom inn i IOGT med sine ANTA-kurs. Rundt 300 mennesker har så langt fått hjelp til å leve et liv som ikke er styrt av misbruk. 

FNs toppmøte for Agenda 2030: Alkohol er et stort hinder for å nå flere av bærekraftsmålene. Det er norsk dobbeltmoral å investere våre pensjonspenger i alkoholindustrien.